ലോക്ക്ഡൗണ് നടപടികളിലേക്ക് കടന്ന് കേന്ദ്ര സര്ക്കാര്
രാജ്യത്ത് കോവിഡ് വ്യാപനം അതിതീവ്രമായി തുടരുന്ന സാഹചര്യത്തില് ലോക്ക്ഡൗണ് നടപടികളിലേക്ക് കടന്ന് കേന്ദ്ര സര്ക്കാര്. ടെസ്റ്റ് പോസിറ്റിവിറ്റി നിരക്ക് 15 ശതമാനത്തിന് മുകളില് പോയ 150 ഓളം ജില്ലകളില് ലോക്ക്ഡൗണ് ഏര്പ്പെടുത്തണമെന്ന് കേന്ദ്ര ആരോഗ്യ മന്ത്രാലയം നിര്ദേശിച്ചു. അവശ്യസര്വീസുകള്ക്കടക്കം ഇളവ് നല്കിയാകും ലോക്ക്ഡൗണ്.
ചൊവ്വാഴ്ച നടന്ന ഉന്നതതല യോഗത്തിലാണ് ആരോഗ്യമന്ത്രാലയം നടപടികള്ക്ക് ശുപാര്ശ ചെയ്തതെങ്കിലും സംസ്ഥാനങ്ങളുമായി ആലോചിച്ച ശേഷമായിരക്കും ഇതുസംബന്ധിച്ചുള്ള അന്തിമ തീരുമാനം കേന്ദ്ര സര്ക്കാര് എടുക്കുക. ആരോഗ്യമന്ത്രാലയത്തിന്റെ നിർദേശം നടപ്പിലാക്കുന്നതിന് കേന്ദ്രത്തിലെ മറ്റ് വകുപ്പുകൾക്ക് ഭിന്നാഭിപ്രായമുണ്ട്. ഈ സാഹചര്യത്തിലാണ് സംസ്ഥാനങ്ങളുമായുള്ള ചർച്ചകളിലേക്ക് കേന്ദ്രം കടക്കുന്നത്.
അതേസമയം ഉയര്ന്ന പോസിറ്റിവിറ്റി നിരക്കുള്ള ജില്ലകളില് രോഗവ്യാപനം തടയുന്നതിന് അടിയന്തര നടപടികളിലേക്ക് കടക്കേണ്ടതുണ്ടെന്ന് ആരോഗ്യ മന്ത്രാലയം അടിവരയിടുന്നുണ്ട്.
വ്യാപനം തടയുന്നതിന് അടുത്ത കുറച്ച് ആഴ്ചകളില് ഉയര്ന്ന പോസിറ്റിവിറ്റി നിരക്കുള്ള ജില്ലകളില് കര്ശനമായ ലോക്ക്ഡൗണ് നടപടികള് അനിവാര്യമാണ്.