പുതിയ ‘ഹോളിഡേ പാക്കേജുകൾ’ അവതരിപ്പിച്ച് ക്ലിയർ ട്രിപ്പ്

കൊച്ചി: ഫ്ലിപ്കാർട്ടിന്റെ ഉടമസ്ഥതയിലുള്ളതും ഇന്ത്യയിലെ പ്രമുഖ ഓൺലൈൻ ട്രാവൽ ടെക്നോളജി കമ്പനികളിൽ ഒന്നുമായ ക്ലിയർട്രിപ്പ്  ‘ഹോളിഡേ പാക്കേജുകൾ’അവതരിപ്പിച്ച് ക്ലിയർ ട്രിപ്പ്.വിമാനയാത്ര, ഹോട്ടൽ താമസം, വിനോദയാത്രാ പരിപാടികൾ, യാത്രാ സൗകര്യങ്ങൾ എന്നിവയെല്ലാം ഉൾപ്പെടുത്തി വിദഗ്ധർ തയാറാക്കിയ ഒരു യാത്രാ പദ്ധതിയായാണ് അവതരിപ്പിച്ചിരിക്കുന്നത്. യാത്രക്കാർക്ക് തങ്ങളുടെ താൽപ്പര്യങ്ങൾക്കനുസരിച്ച് ഇതിൽ മാറ്റങ്ങൾ വരുത്താനും സാധിക്കും. 

നിലവിലുള്ള ഭൂരിഭാഗം ഹോളിഡേ പാക്കേജുകളും ഒരു നിശ്ചിത പ്ലാൻ നൽകുകയും അതിനനുസരിച്ച് ക്രമീകരിക്കാൻ ആവശ്യപ്പെടുകയും ചെയ്യുമ്പോൾ, ക്ലിയർട്രിപ്പിന്റെ പുതിയ സേവനം ഇതിൽ നിന്ന് തികച്ചും വ്യത്യസ്തമാണ്. വിദഗ്ധർ തയാറാക്കിയ യാത്രാ പദ്ധതിയോടൊപ്പം ആരംഭിച്ച്, യാത്രക്കാരുടെ ആവശ്യാനുസരണം മാറ്റങ്ങൾ വരുത്തുവാൻ ഇതിലൂടെ സാധിക്കുന്നു. പാക്കേജിന്റെ അടിസ്ഥാ ഘടനയ്ക്ക് കോട്ടം തട്ടാതെ തന്നെ ഹോട്ടലുകൾ, വിനോദയാത്രാ പരിപാടികൾ, ഫ്ലൈറ്റുകൾ എന്നിവ മാറ്റിയെടുക്കാൻ ഇതിലൂടെ കഴിയുമെന്ന് കമ്പനി വ്യക്തമാക്കുന്നു. 

ഈ പുതിയ സേവനത്തിന്റെ മറ്റൊരു പ്രധാന പ്രത്യേകത, യാത്ര ബുക്ക് ചെയ്യുമ്പോൾ മാനുഷിക സഹായം കൂടി ലഭ്യമാക്കുന്നു എന്നതാണ്. യാത്ര ബുക്ക് ചെയ്യുമ്പോൾ വിദഗ്ധരുമായി സംസാരിച്ച് കൺസൾട്ടേഷൻ നേടാനും, ഡെസ്റ്റിനേഷനുകൾ തിരഞ്ഞെടുക്കുന്നതിലും വിവിധ LSI ഘടങ്ങൾ കൈകാര്യം ചെയ്യുന്നതിലും വിദഗ്ധ സഹായം തേടാനും യാത്രക്കാർക്ക് സാധിക്കും. കൂടാതെ, യാത്രയിലുടനീളം 24 മണിക്കൂറും ഉപഭോക്താക്കൾക്ക് പിന്തുണയും ലഭ്യമായിരിക്കും.

ഉപഭോക്താക്കൾക്കായി പ്രത്യേക ആനുകൂല്യങ്ങളും കമ്പനി പ്രഖ്യാപിച്ചിട്ടുണ്ട്. ഇതിന്റെ ഭാഗമായി കുട്ടികൾക്ക് സൗജന്യ വിമാനയാത്ര, ഒപ്പമുള്ള യാത്രികന് 50% ഇളവ് തുടങ്ങിയ പ്രത്യേക ആനുകൂല്യങ്ങൾ ലഭ്യമാണ്. കൂടാതെ, ഒരേ യാത്രാ പദ്ധതിയുള്ള സമാനമായ പാക്കേജുകൾ കുറഞ്ഞ നിരക്കിൽ മറ്റെവിടെയെങ്കിലും ലഭ്യമാണെങ്കിൽ, ക്ലിയർട്രിപ്പ് അതിനേക്കാൾ മികച്ച നിരക്ക് വാഗ്ദാനം ചെയ്യുന്ന ‘പ്രൈസ് ബീറ്റ് ഓഫർ’ എന്ന പ്രത്യേക വാഗ്ദാനവും നൽകുന്നുണ്ട്.

“യാത്രക്കാരുടെ താൽപ്പര്യങ്ങൾക്കനുസരിച്ച് മാറ്റങ്ങൾ വരുത്താനും, വിദഗ്ധരുടെ പിന്തുണയോടെ അവധിക്കാലം മികച്ച രീതിയിൽ ആസൂത്രണം ചെയ്യാനും സഹായിക്കുന്നതാണ് ക്ലിയർട്രിപ്പിന്റെ പുതിയ ‘ഹോളിഡേ പാക്കേജുകളെന്ന് ക്ലിയർട്രിപ്പ് ‘ എയർ വിഭാഗം ചീഫ് ബിസിനസ്സ് ഓഫീസർ ഗൗരവ് പട്വാരി പറഞ്ഞു.