വീടുകളിലെ ജലവിതരണം എളുപ്പമാക്കാൻ ക്രോംപ്ടൺ ഇന്റലിസെൻസ് സ്മാർട്ട്പ്രോ
 

കൊച്ചി: വീടുകളിലെ ജലവിതരണം കൂടുതൽ എളുപ്പവും സുരക്ഷിതവുമാക്കുന്നതിനായി ക്രോംപ്ടൺ  ഗ്രീവ്സ് കൺസ്യൂമർ ഇലക്ട്രിക്കൽസ് ലിമിറ്റഡ് വയർലെസ് വാട്ടർ ലെവൽ കൺട്രോളറായ ‘ക്രോംപ്ടൺ  ഇന്റലിസെൻസ് സ്മാർട്ട്പ്രോ’ വിപണിയിൽ അവതരിപ്പിച്ചു. വയറിങ് ഇല്ലാതെ ടാങ്കിലെ ജലനിരപ്പ് നിയന്ത്രിക്കാനും സ്മാർട്ട്ഫോൺ വഴി പമ്പിന്റെ പ്രവർത്തനം നിരീക്ഷിക്കാനും സഹായിക്കുന്നതാണ് പുതിയ സംവിധാനം.

ലോറ സാങ്കേതികവിദ്യ ഉപയോഗിക്കുന്ന ഉപകരണത്തിലൂടെ ഗ്രൗണ്ട് ഫ്ലോർ മുതൽ ഏഴാം നില വരെയുള്ള ടാങ്കുകളെ വയർലെസ് ആയി നിയന്ത്രിക്കാം. ടാങ്ക് കാലിയാകുമ്പോൾ പമ്പ് സ്വയം പ്രവർത്തിക്കുകയും നിറയുമ്പോൾ ഓഫാകുകയും ചെയ്യും. ഐഒഎസ്, ആൻഡ്രോയിഡ് പ്ലാറ്റ്ഫോമുകളിൽ  ലഭ്യമായ ക്രോംപ്ടൺ  സെൻസ് ആപ്പ് വഴി ജലനിരപ്പ് നിരീക്ഷിക്കാനും പ്രവർത്തന ഷെഡ്യൂളുകൾ ക്രമീകരിക്കാനും തകരാറുകളെക്കുറിച്ചുള്ള അലേർട്ടുകൾ സ്വീകരിക്കാനും കഴിയും.

വോൾട്ടേജ് വ്യതിയാനം, ഓവർലോഡ്, ഡ്രൈ-റൺ എന്നിവയിൽനിന്ന് പമ്പിനെ സംരക്ഷിക്കുന്ന സംവിധാനങ്ങളും ഐപി65 റേറ്റിങ്ങോടുകൂടിയ വെതർപ്രൂഫ് ഡിസൈനും ഉൽപ്പന്നത്തിന്റെ പ്രത്യേകതകളാണ്.

“വീടുകളിലെ ദൈനംദിന കാര്യങ്ങൾ കൂടുതൽ ലളിതവും സൗകര്യപ്രദവുമാക്കുന്ന ഉൽപ്പന്നങ്ങൾ വികസിപ്പിക്കുന്നതിനാണ് ക്രോംപ്ടൺ  എപ്പോഴും മുൻഗണന നൽകുന്നത്. ഇന്റലിസെൻസ് സ്മാർട്ട്പ്രോയിലൂടെ ഈ സൗകര്യങ്ങളെല്ലാം ഒരൊറ്റ സംയോജിത പരിഹാരമായി കൊണ്ടുവന്നിരിക്കുന്നു. ഇത് ജലവിതരണം നിയന്ത്രിക്കുന്നത് എളുപ്പമാക്കുന്നതിനൊപ്പം ഇൻസ്റ്റാളേഷനിലെ ബുദ്ധിമുട്ടുകളും ഒഴിവാക്കുന്നു,” ക്രോംപ്ടൺ  ഗ്രീവ്സ് കൺസ്യൂമർ ഇലക്ട്രിക്കൽസ് ലിമിറ്റഡിന്റെ പമ്പ്സ് ആൻഡ് കിച്ചൻ അപ്ലയൻസസ് ബിസിനസ് ഹെഡ് ആനന്ദ് കുമാർ എൻ. പറഞ്ഞു.

രാജ്യത്തുടനീളമുള്ള റീട്ടെയിൽ സ്റ്റോറുകളിലും ഇ-കൊമേഴ്‌സ് പ്ലാറ്റ്ഫോമുകളിലും ഉൽപ്പന്നം ലഭ്യമാണ്. 12 മാസത്തെ വാറണ്ടിയും സൗജന്യ ഇൻസ്റ്റാളേഷനും ലഭിക്കും. ഒരൊറ്റ ഇൻവോയ്സിൽ പമ്പും കൺട്രോളറും ഒരുമിച്ച് വാങ്ങുന്നവർക്ക് അധികമായി ആറുമാസത്തെ വാറണ്ടിയും ലഭിക്കുമെന്ന് കമ്പനി അറിയിച്ചു.