കോവിഡ് വ്യാപന സാഹചര്യം വിലയിരുത്താൻ കേന്ദ്രസംഘം ഇന്ന് വൈകീട്ട് തിരുവനന്തപുരത്ത് എത്തും

കേരളത്തിലെ കോവിഡ് വ്യാപന സാഹചര്യം വിലയിരുത്താൻ കേന്ദ്രസംഘം ഇന്ന് വൈകീട്ട് തിരുവനന്തപുരത്ത് എത്തും. എൻ.സി.ഡി.സി ഡയറക്ടർ ഡോ. സുജീത് സിങ്ങിന്റെയും ഡോ.പി രവീന്ദ്രന്റെയും നേതൃത്വത്തിലാണ് ആറംഗമാണ് സംഘമെത്തുന്നത് . 10 ജില്ലകളിൽ ഇവർ സന്ദർശനം നടത്തും.

രാജ്യത്തെ കോവിഡ് കേസുകളിൽ പകുതിയും കേരളത്തിലാണെന്നാണ് റിപ്പോർട്ട് ചെയ്യുന്നത് . അതുകൊണ്ട് തന്നെ ടിപി ആർ 13 ന് മുകളിലെത്തുന്ന ജില്ലകളിൽ രോഗവ്യാപനം കുറക്കാൻ അടിയന്തര നിർദ്ദേശം നൽകും സംഘം . നാളെ കൊല്ലം , ആലപ്പുഴ ജില്ലകൾ സന്ദർശിക്കും . പത്തനംതിട്ട , കോട്ടയം ജില്ലകളിൽ ഞായറാഴ്ച എത്തും. ആരോഗ്യമന്ത്രി, ഉന്നതോദ്യോഗസ്ഥർ എന്നിവരുമായി തിങ്കളാഴ്ച സംഘം കൂടിക്കാഴ്ച നടത്തും.