ബഫര്സോണ് റിപ്പോര്ട്ടും ഭൂപടവും പ്രസിദ്ധീകരിച്ചു ഓരോ മേഖലയ്ക്കും പ്രത്യേക നിറം

വിവാദങ്ങള്ക്കു പിന്നാലെ ബഫര് സോണ് റിപ്പോര്ട്ടും ഭൂപടവും പ്രസിദ്ധീകരിച്ച് സര്ക്കാര്. 2021ല് കേന്ദ്രത്തിന് സംസ്ഥാനം നല്കിയ റിപ്പോര്ട്ട് ആണ് പ്രസിദ്ധീകരിച്ചത്. ജനവാസ മേഖലകളെ ബഫര് സോണില് നിന്നും ഒഴിവാക്കിയാണ് റിപ്പോര്ട്ട് തയാറാക്കിയത്. സര്ക്കാര് വെബ് സൈറ്റുകളില് റിപ്പോര്ട്ട് ലഭ്യമാണ്.
പഞ്ചായത്തുതല, വില്ലേജ്തല സര്വേ നമ്പര് ഉള്പ്പെടെയുള്ള നിര്മിതികളുടെ വിവരങ്ങളും മാപ്പുകളും സഹിതമുള്ള റിപ്പോര്ട്ടാണ് പ്രസിദ്ധീകരിച്ചിട്ടുള്ളത്. 22 സംരക്ഷിത വന മേഖലകളെയാണ് ഇതില് ഉള്പ്പെടുത്തിയിരിക്കുന്നത്. ഓരോ മേഖലയ്ക്കും പ്രത്യേകം നിറം നില്കിയിട്ടുണ്ട്. ഭൂപടത്തില് താമസ സ്ഥലം വയലറ്റ് നിറത്തില് ആണ് രേഖപ്പെടുത്തിയിട്ടുള്ളത്. പരിസ്ഥിതിലോല മേഖലക്ക് പിങ്ക് നിറമാണ് നല്കിയിരിക്കുന്നത്. വിദ്യാഭ്യാസ സ്ഥാപനങ്ങള് നീല, പഞ്ചായത്തിന് കറുപ്പ്, വനത്തിന് പച്ച എന്ന നിലയിലാണ് നിറം നല്കിയിരിക്കുന്നത്.
ഭൂപടത്തില് താമസ സ്ഥലം വയലറ്റ് നിറത്തില് ,പിങ്ക് -പരിസ്ഥിതിലോല മേഖല,നീല വിദ്യാഭ്യാസ സ്ഥാപനങ്ങള്,കറുപ്പ്പഞ്ചായത്ത്,ചുമപ്പ്വാണിജ്യകെട്ടിടങ്ങള്, മഞ്ഞആരാധനാലയങ്ങള്,പച്ചവനം,ബ്രൗണ്ഓഫിസ്. സംസ്ഥാനത്തെ സംരക്ഷിത പ്രദേശങ്ങളുടെ ഒരു കിലോമീറ്റര് പരിധിയിലുള്ള സ്ഥാപനങ്ങള്, വീടുകള്, മറ്റു നിര്മാണങ്ങള്, വിവിധ പ്രവര്ത്തനങ്ങള് എന്നിവ സംബന്ധിച്ച് ഉപഗ്രഹ ചിത്രങ്ങള് മുഖേന തയാറാക്കിയ പ്രാഥമിക റിപ്പോര്ട്ട് പ്രസിദ്ധീകരിച്ചു. പഞ്ചായത്തുതല, വില്ലേജ്തല സര്വേ നമ്പര് ഉള്പ്പെടെയുള്ള നിര്മിതികളുടെ വിവരങ്ങളും മാപ്പുകളും സഹിതമുള്ള റിപ്പോര്ട്ടാണ് പ്രസിദ്ധീകരിച്ചിട്ടുള്ളത്. വിവരങ്ങള് അറിയിക്കാനുള്ള ഫോറം റിപ്പോര്ട്ടിനൊപ്പം പ്രസിദ്ധീകരിച്ചിട്ടുണ്ട്. ഫോറം പൂരിപ്പിച്ച് ജനുവരി 7നകം sezexpertcommittee@gmail.com ലേക്ക് അയക്കുകയോ ജോയിന്റ് സെക്രട്ടറി, വനം വന്യജീവി വകുപ്പ്, അഞ്ചാം നില, സെക്രട്ടേറിയറ്റ് അനക്സ് 2, തിരുവനന്തപുരം 695001 എന്ന വിലാസത്തില് ലഭ്യമാക്കുകയോ വേണം.