ഡൽഹിയിൽ എട്ടുവർഷത്തിനിടെയുള്ള മെച്ചപ്പെട്ട വായുനിലവാരം

 ദീപാവലിയുടെ പിറ്റേന്ന്, എട്ട് വർഷത്തിനിടയിലെ ഏറ്റവും മികച്ച വായുവിന്‍റെ ഗുണനിലവാരം ഡൽഹി രേഖപ്പെടുത്തി. വിലക്ക് ലംഘിച്ച് തിങ്കളാഴ്ച പലയിടത്തും പടക്കം പൊട്ടിച്ചെങ്കിലും വായു പ്രതീക്ഷിച്ചത്ര മോശമായിരുന്നില്ല. ബംഗാൾ ഉൾക്കടലിൽ സിട്രാംഗ് ചുഴലിക്കാറ്റ് രൂപപ്പെട്ടതുൾപ്പെടെയുള്ള അനുകൂല കാരണങ്ങളാലാണ് ഇതെന്ന് വിദഗ്ധർ പറയുന്നു. ദീപാവലി പതിവിലും നേരത്തെ എത്തിയതിനാൽ താരതമ്യേന കാറ്റും ചൂടുമുള്ള അന്തരീക്ഷമായിരുന്നു. വായുവിൽ തങ്ങാതെ മാലിന്യം ചിതറിപ്പോകുന്നതിന് ഇത് സഹായിച്ചു.


ദീപാവലിയും പഞ്ചാബിലും ഹരിയാനയിലും കാർഷിക അവശിഷ്ടങ്ങൾ കത്തിക്കുന്നത് കൂടിയതും വായ ഗുണനിലവാരത്തെ ദില്ലിയെ ബാധിച്ചു. ദീപാവലിക്ക് പടക്കം പൊട്ടിക്കുന്നതിന് ദില്ലിയിൽ വിലക്കുണ്ടായിരുന്നു. എന്നാൽ പലരും ദില്ലിക്ക് പുറത്ത് നിന്ന് പടക്കമെത്തിച്ച് പൊട്ടിച്ചു. അയൽ സംസ്ഥാനങ്ങളിലെ വൈക്കോൽ കത്തിക്കുന്നതുൾപ്പെടെ നിരവധി കാരണങ്ങളാൽ ദേശീയ തലസ്ഥാനത്ത് ശൈത്യകാലത്ത് കടുത്ത വായു മലിനീകരണം അനുഭവപ്പെടുന്നു.

പടക്കം പൊട്ടിക്കുന്നതിന് പുറമെ ജനുവരി 1 വരെ ഡൽഹിയിൽ പടക്കങ്ങളുടെ വിൽപ്പന, വിതരണം, നിർമ്മാണം എന്നിവ നിരോധിച്ചിട്ടുണ്ടെങ്കിലും നിയന്ത്രണങ്ങൾക്കിടയിലും ഉത്സവ ദിനത്തിൽ ആളുകൾ പടക്കം പൊട്ടിച്ചു. ബോധവൽക്കരണ പ്രചാരണങ്ങളും നിയമം ലംഘിച്ചതിന് ജയിൽവാസം ഉൾപ്പെടെയുള്ള ശിക്ഷ പോലുള്ള ഭീഷണികളും പ്രതീക്ഷിച്ച ഫലം കണ്ടില്ല.