രണ്ട് ഘട്ടമായി തെരെഞ്ഞെടുപ്പ്

ഗുജറാത്ത് നിയമസഭാ തിരഞ്ഞെടുപ്പ് തീയതി പ്രഖ്യാപിച്ചു. രണ്ട് ഘട്ടമായാണ് തിരഞ്ഞെടുപ്പ് നടക്കുക.ആദ്യ ഘട്ടം ഡിസംബർ ഒന്നിനും രണ്ടാം ഘട്ടം അഞ്ചിനും നടക്കും. ഡിസംബർ എട്ടിനാണ് വോട്ടെണ്ണൽ നടക്കുക. ആദ്യ ഘട്ട വോട്ടെടുപ്പിനുള്ള നാമനിർദ്ദേശ പത്രിക സമർപ്പിക്കേണ്ട അവസാന തീയതി നവംബർ 14 ആണ്.  വോട്ടെണ്ണൽ ഡിസംബർ എട്ടിന്. 2023 ഫെബ്രുവരി 18നാണ് ഗുജറാത്ത് സർക്കാരിന്റെ കാലാവധി കഴിയുക.

ഗുജറാത്ത് നിയമസഭാ തിരഞ്ഞെടുപ്പിൽ തുടർച്ചയായി ആറു തവണയായി ബിജെപിക്കാണ്‌ വിജയം. എന്നാൽ സീറ്റുകളുടെ എണ്ണം തുടർച്ചയായി കുറഞ്ഞുവരികയാണ്‌. 182 സീറ്റുകളുള്ള   ഗുജറാത്ത് നിയമസഭയില്‍ ഭൂരിപക്ഷ ലഭിക്കാന്‍ 92 സീറ്റ് ലഭിക്കണം.

22 വർഷത്തിനിടെ ബിജെപിക്കു ഗുജറാത്തിൽ കിട്ടുന്ന ഏറ്റവും കുറഞ്ഞ എണ്ണം സീറ്റുകളാണ് 2017 ലെ തെരഞ്ഞെടുപ്പിൽ ലഭിച്ചത്‌.  ആകെയുള്ള 182 ൽ 99 സീറ്റ്‌. കോൺഗ്രസ് സഖ്യം 80 സീറ്റുകളിലാണു വിജയിച്ചത്. കോൺഗ്രസ് ഒറ്റയ്ക്ക് 77 സീറ്റുകൾ നേടി. 51,782 പോളിംഗ് സ്റ്റേഷനുകളിലായി 4.9 കോടി വോട്ടർമാരാണ് സംസ്ഥാനത്തുള്ളത്.