കോവിഡ് പ്രതിരോധത്തില് മറ്റു രാജ്യങ്ങളേക്കാള് ഏറെ മുന്നിലാണ് ഇന്ത്യയെന്നു പ്രധാനമന്ത്രി നരേന്ദ്ര മോദി
രാജ്യത്തെ കോവിഡ് രോഗികളുടെ എണ്ണം അഞ്ചു ലക്ഷം പിന്നിടുന്പോഴാണു പ്രധാനമന്ത്രിയുടെ അവകാശവാദം. കൊറോണ പോരാളികളുടെ സഹായത്തോടെ ഇന്ത്യ കോവിഡിനെതിരേ പോരാടുകയാണ്. ഇന്ത്യയില് കോവിഡിന്റെ രൂക്ഷത കൂടുതലാകുമെന്നു മുന്പു ചിലര് പ്രവചിച്ചിരുന്നു. ലോക്ക്ഡൗണ്, കേന്ദ്ര സര്ക്കാര് സ്വീകരിച്ച നടപടികള്, ജനങ്ങളുടെ പിന്തുണ എന്നിവയുടെ സഹായത്തില് ഇന്ത്യ ഇപ്പോള് മറ്റു രാജ്യങ്ങളേക്കാള് ഏറെ മെച്ചപ്പെട്ടിരിക്കുന്നു.രാജ്യത്തെ രോഗമുക്തി നിരക്ക് ഉയരുകയാണ്- മലങ്കര മാര്ത്തോമ്മാ സുറിയാനി സഭാധ്യക്ഷന് ഡോ. ജോസഫ് മാര്ത്തോമ്മാ മെത്രാപ്പോലീത്തയുടെ നവതി ആഘോഷം വീഡിയോ കോണ്ഫറന്സിലൂടെ ഉദ്ഘാടനം ചെയ്തു സംസാരിക്കവെ മോദി പറഞ്ഞു. പ്രതിരോധം അവസാനിപ്പിക്കാന് നേരമായിട്ടില്ലെന്നും ഇനിയാണ് കൂടുതല് ജാഗ്രത ആവശ്യമെന്നും പ്രധാനമന്ത്രി പറഞ്ഞു. മാസ്ക് ധരിക്കല്, ആളകലം പാലിക്കല്, ആള്ത്തിരക്ക് ഒഴിവാക്കല് എന്നിവ ഏറെ പ്രധാനമാണെന്നും അദ്ദേഹം ചൂണ്ടിക്കാ