100 വർഷം മുമ്പ് മോഷ്ടിക്കപ്പെട്ടതും കാനഡയിൽ നിന്ന് കണ്ടെത്തിയതുമായ വിഗ്രഹം പുനപ്രതിഷ്ഠിക്കുന്നു
![100 വർഷം മുമ്പ് മോഷ്ടിക്കപ്പെട്ടതും കാനഡയിൽ നിന്ന് കണ്ടെത്തിയതുമായ വിഗ്രഹം പുനപ്രതിഷ്ഠിക്കുന്നു](https://woneminute.com/static/c1e/client/93393/migrated/0d60bc0ef54474c831ad4740ea88b8b8.jpg)
ഏകദേശം 100 വർഷം മുമ്പ് വാരാണസിയിൽ നിന്ന് മോഷ്ടിക്കപ്പെട്ടതും അടുത്തിടെ കാനഡയിൽ നിന്ന് കണ്ടെത്തിയതുമായ മാ അന്നപൂർണയുടെ വിഗ്രഹം നവംബർ 15 ന് കാശി വിശ്വനാഥ ക്ഷേത്രത്തിൽ പ്രതിഷ്ഠിക്കും. കേന്ദ്ര സർക്കാർ വിഗ്രഹം ഇന്ന് യുപി സർക്കാരിന് കൈമാറുമെന്ന് കേന്ദ്രമന്ത്രി മീനാക്ഷി ലേഖി അറിയിച്ചു.
ബ്രിട്ടീഷ് ഭരണ കാലത്താണ് വിഗ്രഹം കാശിയിൽ നിന്ന് കാണാതായത്. അടുത്തിടെ ഈ വിഗ്രഹം കാനഡയിലെ ഒരു സർവകലാശാലയിൽ നിന്നാണ് കണ്ടെത്തിയത്.
ഇന്ന് ഡൽഹിയിൽ സംഘടിപ്പിക്കുന്ന ചടങ്ങിൽ വിഗ്രഹം ആർക്കിയോളജിക്കൽ സർവേ ഓഫ് ഇന്ത്യ കാശി വിശ്വനാഥ് വിശിഷ്ട ക്ഷേത്ര വികാസ് പരിഷത്ത് ബോർഡിലേക്ക് മാറ്റും.
ഉത്തർപ്രദേശ് സർക്കാർ വ്യാഴാഴ്ച ന്യൂഡൽഹിയിൽ നിന്ന് നാല് ദിവസത്തെ മാതാ അന്നപൂർണ ദേവി യാത്ര നടത്തും. യാത്ര ഗാസിയാബാദ്, ഗൗതം ബുദ്ധ നഗർ, ബുലന്ദ്ഷഹർ, ഹത്രാസ്, അലിഗഡ്, ഹത്രാസ്, കാസ്ഗഞ്ച്, ഇറ്റാ, മെയിൻപുരി, കനൗജ്, കാൺപൂർ, ഉന്നാവ്, ലഖ്നൗ, ബരാബങ്കി, അയോധ്യ, സുൽത്താൻപൂർ, പ്രതാപ്ഗഡ്, ജൗൻപൂർ എന്നിവിടങ്ങളിലൂടെ സഞ്ചരിച്ച് 4:30 ഓടെ വാരണാസിയിൽ എത്തിച്ചേരും.
ഒരു ദിവസത്തിനുശേഷം, ദേവോത്തൻ ഏകാദശി ദിനത്തിൽ കാശി വിശ്വനാഥ് ധാമിൽ നടക്കുന്ന ചടങ്ങിൽ യു പി മുഖ്യമന്ത്രി യോഗി ആദിത്യനാഥിന്റെ സാന്നിധ്യത്തിൽ വിഗ്രഹം സ്ഥാപിക്കും.