തിങ്കളാഴ്ച മുതല് അരി അടക്കം നിരവധി ഭക്ഷ്യവസ്തുക്കളുടെ വില കൂടും.
തിങ്കളാഴ്ച മുതല് അരി അടക്കം നിരവധി ഭക്ഷ്യവസ്തുക്കളുടെ വില കൂടും. രാജ്യമൊട്ടാകെ അരിക്ക് വിലകൂടും. തൂക്കി വില്ക്കുന്ന അരിക്ക് ജിഎസ്ടി ഏര്പ്പെടുത്തിയതോടെയാണ് വില വര്ദ്ധിക്കുന്നത്. നാളെ മുതല് കിലോയ്ക്ക് രണ്ടര രൂപവരെ വര്ദ്ധിക്കുമെന്നാണ് സൂചന. പായ്ക്ക് ചെയ്ത ബ്രാന്ഡ് പതിക്കാത്ത അരിക്കും അഞ്ചു ശതമാനം ജിഎസ്ടി നിലവില് വരും.
കഴിഞ്ഞ മാസം 28നും 29നും ചേര്ന്ന ജിഎസ്ടി കൗണ്സിലാണ് ഇതു സംബന്ധിച്ച് തീരുമാനമെടുത്തത്. ഇതോടെ 50 കിലോ ചാക്കിനും നികുതി ബാധകമായി. അതേസമയം സംസ്ഥാന ജിഎസ്ടി വകുപ്പ് പുതുക്കിയ വിജ്ഞാപനം ഇറക്കിയിട്ടില്ല.
നാളെ മുതല് വില കൂടുന്നവ:
പാക്കറ്റിലുള്ള തൈരിനും മോരിനുമടക്കം നാളെ മുതല് അഞ്ചുശതമാനം ജിഎസ്ടി
പനീര്, ശര്ക്കര, പപ്പടം, പാക്കറ്റിലാക്കി വില്ക്കുന്ന അരി, ഗോതമ്പുപൊടി, അരിപ്പൊടി എന്നിവയ്ക്ക് അഞ്ചുശതമാനം ജിഎസ്ടി
ബാങ്കുകളില്നിന്നുള്ള ചെക്ക് ബുക്കിന് 18% നികുതി
5000 രൂപയിലേറെ ദിവസവാടകയുള്ള ആശുപത്രിമുറികള്ക്ക് (ഐസിയു ഒഴികെ) 5% നികുതി
ദിവസം 1000 രൂപയില് താഴെയുള്ള ഹോട്ടല്മുറി വാടകയില് 12% നികുതി
ബിസിനസ് സ്ഥാപനങ്ങള്ക്ക് വീട് വാടകയ്ക്കു കൊടുക്കുന്നതിനും നികുതി
സോളര് വാട്ടര് ഹീറ്ററുകളുടെ നികുതി അഞ്ചില്നിന്ന് 12 ശതമാനമാകും; ഭൂപടങ്ങള്ക്ക് 12%.
എല്ഇഡി ലാംപ്, ലൈറ്റ്, വാട്ടര് പമ്പ്, സൈക്കിള് പമ്പ്, അച്ചടി, എഴുത്ത്, വര എന്നിവയ്ക്കുള്ള മഷി, കട്ടിങ് ബ്ലേഡുകളുള്ള കത്തികള്, പേപ്പര് മുറിക്കുന്ന കത്തി, പെന്സില് ഷാര്പ്നറും ബ്ലേഡുകളും, സ്പൂണ്, ഫോര്ക്ക് തുടങ്ങിയവയ്ക്ക് 18ശതമാനം നികുതി.