കോ-ബ്രാൻഡഡ് ക്രെഡിറ്റ് കാർഡുമായി എസ്ബിഐയും ഫ്ളിപ്കാർട്ടും

കൊച്ചി: എസ്ബിഐ കാർഡും ഫ്ളിപ്കാർട്ടും സംയുക്തമായി ഫ്ളിപ്കാർട്ട് എസ്ബിഐ ക്രെഡിറ്റ് കാർഡ് എന്ന പേരിൽ പുതിയ ക്രെഡിറ്റ് കാർഡ് പ്രഖ്യാപിച്ചു. ലാഭകരമായ ഷോപ്പിംഗിനായി പ്രേത്യേക ക്യാഷ്ബാക്ക് ആനുകൂല്യങ്ങളോടെയാണ് ഫ്ളിപ്കാർട്ട് എസ്ബിഐ കാർഡ് രൂപകൽപ്പന ചെയ്തിരിക്കുന്നത്. മിന്ത്രയിൽ നിന്നും ഷോപ് ചെയുമ്പോൾ ഉപഭോക്താക്കൾക്ക് 7.5% ക്യാഷ്ബാക്കും, ഫ്ളിപ്കാർട്ട്, ഷോപ്പ്‌സി, ക്ലിയർട്രിപ്പ് എന്നിവയിൽ ചെലവഴിക്കുമ്പോൾ 5% ക്യാഷ്ബാക്കും ലഭിക്കും.

ഒപ്പം, ഫ്ളിപ്കാർട്ടിൽ വിവിധ ഉൽപ്പന്നങ്ങളും സേവനങ്ങളും വാങ്ങുമ്പോൾ റിവാർഡിംഗ് വാല്യു പ്രൊപ്പോസിഷൻ, സൊമാറ്റോ, ഊബർ, നെറ്റ്-മെഡ്‌സ്, പിവിആർ പോലുള്ള ബ്രാൻഡുകളിൽ 4% ക്യാഷ്ബാക്കും, തിരഞ്ഞെടുത്ത മറ്റ് ചെലവുകൾക്കും 1% അൺലിമിറ്റഡ് ക്യാഷ്ബാക്ക് എന്നിവയും ലഭിക്കും. എസ്ബിഐ കാർഡ് വെബ്‌സൈറ്റ്, ഫ്ളിപ്കാർട്ട് ആപ്പ്, എസ്ബിഐ കാർഡ് സ്പ്രിന്റ് എന്നിവ വഴി ക്രെഡിറ്റ് കാർഡിന് അപേക്ഷിക്കാം.