പുതുപ്പള്ളിയില് ചാണ്ടി ഉമ്മന് സ്ഥാനാര്ത്ഥി
ഉപതെരഞ്ഞെടുപ്പ് പ്രഖ്യാപിച്ചതിന് പിന്നാലെ സ്ഥാനര്ത്ഥിയെ പ്രഖ്യാപിച്ച് യു ഡി എഫ്. ചാണ്ടി ഉമ്മനായിരിക്കും പുതുപ്പള്ളിയില് ഉമ്മന് ചാണ്ടിയുടെ പിന്ഗാമി. കന്റോണ്മെന്റ് ഹൗസില് നടന്ന കോണ്ഗ്രസ് നേതാക്കളുടെ ചര്ച്ചയ്ക്ക് ശേഷമാണ് ചാണ്ടി ഉമ്മന്റെ പേര് പ്രഖ്യാപിച്ചത്.
പുതുപ്പള്ളി ഉപതെരഞ്ഞെടുപ്പിന് 27 ദിവസം മാത്രമാണ് ഇനി അവശേഷിക്കുന്നത്. ആഗസ്റ്റ് 17 നാണ് മണ്ഡലത്തില് പത്രിക സമര്പ്പിക്കാനുള്ള അവസാന തീയതി. സെപ്തംബര് അഞ്ചിന് മണ്ഡലത്തില് വോട്ടെടുപ്പ് നടക്കും. സെപ്തംബര് എട്ടിന് പുതുപ്പള്ളി ഉപതെരഞ്ഞെടുപ്പ് വോട്ടെണ്ണലും നടക്കും.
വികസനം എന്നത് സാധാരണക്കാരന്റെ ജീവിതത്തെ മാറ്റുന്നതാണ്. സാധാരണക്കാരന്റെ കൈത്താങ്ങാന് ഇവിടുത്തെ എംഎല്എയ്ക്ക് കഴിഞ്ഞിരുന്നു. വികസന പ്രവര്ത്തനങ്ങള് മണ്ഡലത്തില് നടപ്പിലാക്കിയിട്ടുണ്ടെന്നും എല്ലാം ജനങ്ങള് തീരുമാനിക്കുമെന്നും ചാണ്ടി ഉമ്മന് മാധ്യമങ്ങളോട് പറഞ്ഞു
നിലവില് യൂത്ത് കോണ്ഗ്രസിന്റെ National Otureach Cell അധ്യക്ഷനാണ് ചാണ്ടി ഉമ്മന്. രാഹുല് ഗാന്ധിയുടെ ഭാരത് ജോഡോ യാത്രയിലെ സ്ഥിരം അംഗവുമായിരുന്നു ചാണ്ടി ഉമ്മന്. കോണ്ഗ്രസ് പ്രസിഡന്റ് മല്ലികാര്ജ്ജുന് ഖാര്ഗെ അടക്കമുള്ള മുതിര്ന്ന നേതാക്കളുമായി കൂടിയാലോചിച്ച് എഐസിസി അംഗീകാരത്തോടെ കെപിസിസി പ്രസിഡന്റ് കെ സുധാകരനാണ് സ്ഥാനാര്ത്ഥിയെ പ്രഖ്യാപിച്ചത്.