ആലപ്പുഴയിൽ കെഎസ്ആർടിസി ബസും കാറും കൂട്ടിയിടിച്ച് അഞ്ച് പേർ മരിച്ചു
ആലപ്പുഴ ജില്ലയിലെ കളര്കോട് വാഹനാപകടത്തില് അഞ്ച് മരണം. കെ എസ് ആര് ടി സി ബസും കാറും കൂട്ടിയിടിച്ചാണ് അപകടം. അപകടത്തില് അഞ്ച് പേര്ക്ക് ഗുരുതരമായ പരിക്കേറ്റിട്ടുണ്ട്. വണ്ടാനം മെഡിക്കല് കോളേജിലെ വിദ്യാര്ത്ഥികളാണ് അപകടത്തില്പ്പെട്ടത്. ഇവര് സഞ്ചരിച്ച കാര് കെ എസ് ആര് ടി സി ബസിലേക്ക് ഇടിച്ച് കയറുകയായിരുന്നു
ഒരാള് സംഭവസ്ഥലത്ത് വെച്ച് തന്നെ മരിച്ചു. മൂന്ന് പേര് ആശുപത്രിയിലേക്ക് കൊണ്ടുപോകുന്നതിനിടെയാണ് മരിച്ചത്. ഒരാള് ആശുപത്രിയില് എത്തിയതിന് ശേഷവും മരിച്ചു. അപകടത്തില് കാര് പൂര്ണമായും തകര്ന്നു. ഫയര് ഫോഴ്സ് എത്തി കാര് വെട്ടിപ്പൊളിച്ചാണ് കാറിനുള്ളിലുള്ളവരെ പുറത്തെടുത്തത്.അര മണിക്കൂറോളം പരിശ്രമിച്ച് കാർ വെട്ടിപ്പൊളിച്ചാണ് യുവാക്കളെ പുറത്തെടുത്തത്. കാറില് 12 പേരുണ്ടായിരുന്നു എന്നാണ് വിവരം.
പരിക്കേറ്റവരെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഓവര്ടേക്ക് ചെയ്യാന് ശ്രമിക്കുന്നതിനിടെ കെഎസ്ആർടിസി സൂപ്പർ ഫാസ്റ്റിലേക്ക് കാർ വന്ന് ഇടിക്കുകയായിരുന്നു എന്ന് നാട്ടുകാര് പറഞ്ഞു.