പോളിംഗ് ഏജന്റുമാര് അറിഞ്ഞിരിക്കേണ്ടത്
![UP elcetion](https://woneminute.com/static/c1e/client/93393/uploaded/7b914121006a630e618811700a5d1bba.jpg)
ഒരു സ്ഥാനാര്ഥിക്ക് ഒരു പോളിംഗ് ഏജന്റിനെ മാത്രമേ ബൂത്തില് അനുവദിക്കൂ. ഇവര് പോളിംഗ് സ്റ്റേഷന് വിട്ടുപോകുമ്പോള് മൂവ്മെന്റ് രജിസ്റ്ററില് രേഖപ്പെടുത്തണം. ബൂത്തില് ഉപയോഗിക്കുന്ന വോട്ടര് പട്ടിക പുറത്തുകൊണ്ടുപോകാന് പാടില്ല. പോളിംഗ് അവസാനിക്കാന് ഒരു മണിക്കൂര് ശേഷിക്കുമ്പോള് ഏജന്റുമാരുടെ മാറ്റം അനുവദിക്കില്ല. സെല്ഫോണ്, മറ്റ് ഇലക്ട്രോണിക് കമ്മ്യൂണിക്കേഷന് ഉപകരണങ്ങള് എന്നിവ ഏജന്റുമാര് ബൂത്തില് ഉപയോഗിക്കാന് പാടില്ല. ഏതെങ്കിലും സ്ഥാനാര്ഥിയുടേയോ രാഷ്ട്രീയപാര്ട്ടിയുടേയോ ചിഹ്നങ്ങളോ അടയാളങ്ങളോ പോളിംഗ് ഏജന്റുമാര് പ്രദര്ശിപ്പിക്കരുത്.
പോളിംഗ് അവസാനിപ്പിക്കല്
വോട്ടിംഗ് അവസാനിപ്പിക്കുന്നത് പ്രിസൈഡിംഗ് ഓഫീസറാണ്. വോട്ടിംഗ് സമയം അവസാനിപ്പിക്കുമ്പോള് നിരയില് അവശേഷിക്കുന്ന ആളുകള്ക്ക് ടോക്കണ് നല്കും. അവര്ക്ക് വോട്ടുചെയ്യാം. ശേഷം വരുന്നവര്ക്ക് വോട്ട് രേഖപ്പെടുത്താനാകില്ല. വോട്ടിംഗിനുള്ള സമയം അവസാനിക്കുന്നതോടെ പോളിംഗ് സ്റ്റേഷന്റെ ഗേറ്റ് പോലീസ് അടയ്ക്കും. പോളിംഗ് അവസാനിച്ച ശേഷം പ്രിസൈഡിംഗ് ഓഫീസര് യന്ത്രത്തില് ക്ലോസ് ബട്ടണ് അമര്ത്തുന്നതോടെ പോളിംഗ് അവസാനിക്കും.